მონოლითური პოლიკარბონატის მაღალი ეფექტიური თვისებები აქტიურად გამოიყენება უსაფრთხოების სფეროში. უნიკალური მასალა საშუალებას გაძლევთ შექმნათ ტყვიისა და აფეთქების მიმართ მდგრადი შემინვა, რაც აქტიურად გამოიყენება ბანკებში, სამთავრობო დაწესებულებებში, სასჯელთაღსრულების დაწესებულებებში, ჯავშანმანქანებში. გარდა ამისა ასეთ ზედაპირებს იყენებენ მუნიციპალური დაწესებულებების შემინვისას, როგორიცაა სკოლები, მაღაზიები, საავადმყოფოები, რაც მნიშვნელოვნად ზრდის შენობების უსაფრთხოებას. გარდა ამისა მონოლითურ პოლიკარბონატს იყენებენ არამსხვრევადი სარკეებისა და ტიხრების მოწყობისას.

მონოლითური პოლიკარბონატი პოპულარულია სამრეწველო სფეროში. ის იძლევა გამჭვირვალე პანელების შექმნის საშუალებას თანამედროვე გაჯეტებში, როგორიცაა ტელეფონები, პლანშეტური მოწყობილობები, ელექტრონული წიგნები, ფართოფორმატიანი ტელევიზორები. ასევე მისი გამოყენებით ამზადებენ მაღალი დონის დაცვის ეკრანებს სამრეწველო მოწყობილობებისათვის. მასალის უნიკალური თვისებები არ გამოპარვიათ დაცვის საშუალებების მწარმოებლებს, რამაც გამოიწვია სხვადასხვაგვარი ჩაფხუტების, სათვალეების, ფარების სერიული წარმოება. პოლიკარბონატი პოპულარულია საბავშვო და სასკოლო ინვენტარის, სპორტული, საყოფაცხოვრებო პროდუქციის წარმოებაში.

მონოლითურმა პოლიკარბონატმა დაიკავა თავისი ადგილი სატრანსპორტო ინდუსტრიაშიც. მას იყენებენ თვითმფრინავების სალონებსა და მანქანებისათვის სპეციალური ფორმის მქონე პროდუქციის (იდაყვის დასაყრდენები, სავარძლები, კონტეინერები) წარმოებაში. მასალა იძლევა თვითმფრინავების, მატარებლების, წყლის ტრანსპორტის, მანქანების მდგრადი შემინვის საშუალებას. გარდა ამისა, მასალა გამოიყენება ბუფერის, სპოილერების და სხვადასხვა მარკის ავტომობილების დეკორატიული ელემენტების, ასევე მაგისტრალებისა და რკინიგზების გასწვრივ ხმის ბარიერების წარმოებაში.

მონოლითურ პოლიკარბონატს აქვს მაღალი დონის უსაფრთხოება, რაც იძლევა ადამიანთა დიდი კონცენტრაციის და მუშაობის ადგილას მისი გამოყენების საშუალებას. ეს შუშის კარგი ალტერნატივაა სამრეწველო მშენებლობაში, მასალის ეფექტურობისა და გამძლეობის გათვალისწინებით. იგი განკუთვნილია საამქროების, სამრეწველო შენობებისა და საწყობების კონსტრუქციის ელემენტების შემინვისათვის. მასალა სანდოა, გამძლეა, მდგრადია მაღალი ტემპერატურის პირობებში. ასევე ის გამოიყენება სატრანსპორტო გაჩერებებისა და სატელეფონო ჯიხურების ელემენტების წარმოებაში, სტადიონების, აუზების, ყინულის მოედნების მშენებლობაში.

მონოლითური პოლიკარბონატი - შესანიშნავი გადაწყვეტილებაა კერძო დანიშნულების მშენებლობისას. ის ხშირად გამოიყენება სხვადასხვა ფუნქციონალური დანიშნულების ტიხრების დამზადებისას, ეს შეიძლება იყოს კიბეების, აივნების ტიხრები, ოთახებს შორისი კონსტრუქციები, სივრცის ზონირებისათვის, ასევე ფარდულები და თავშესაფრები. ასევე მასალა გამოიყენება ფანჯრების, მანსარდების შემინვისას, რადგან მას აქვს მაღალი დონის უსაფრთხოება. ხშირად მოცემული პოლიკარბონატი გამოიყენება სათბურებისა და დახურული საცურაო აუზების წარმოებაში.

თანამედროვე ბაზარი თავისი მაღალი დონის კონკურენციით, ბიზნესს კარნახობს თავის პირობებს. ტიპური სარეკლამო გადაწყვეტილებები უკვე არ არის საინტერესო და არ იზიდავს პოტენციურ კლიენტებს. სარეკლამო დიზაინი დღეს მოითხოვს ახალ იდეებს და განუმეორებელ გადაწყვეტილებებს. მონოლითურ პოლიკარბონატს შეუძლია გადაწყვიტოს ეს აქტუალური პრობლემები. მასალისგან შეიძლება დამზადდეს ბრტყელი და სპეციალური ფორმის მქონე განათებული აფიშები სადემონსტრაციო სტენდები, ეკრანები, ყუთები და სხვა რთული ფორმის სარეკლამო კონსტრუქციები. იგი მდგრადია კლიმატური პირობების ზეგავლენისა და ვანდალიზმის მიმართ, აქვს დარტყმის საწინააღმდეგო თვისებები, იცავს მავნე ულტრაიისფერი სხივებისგან.